Skip to main content
bannerra
Nahieran Ikusteko.tv

Bideoteka

Bideotekan bilatu
bideoaren irudia
Gurean Gaur albistegia: Uztailak 12 eguerdiko saioa

2017-07-12

Hiru ertzainburuen aurkako ahozko judizioa irekitzeko agindua eman du Cabacas auziko epaileak. Ana Torres Bilboko 10.Instrukzioko Epaitegiko arduradunak adierazitakoaren arabera, "arduragabekeria larriarekin burututako hilketa delitua" leporatzen die hiru ertzainei.

Horrez gain, Hanburgon atxilotutako David Rincon bilbotarraren egoera babesgabetasun egoera salatzeko prentsaurrekoa eskaini dute Herriok Erabaki ekimeneko kideek.

Hauek eta askoz gehiago uztailaren 12ko Gurean Gaur albistegian.

bideoaren irudia
Gurean Gaur albistegia: Uztailak 11 eguerdiko saioa

2017-07-11

Alderdi guztietako ordezkariek hartu dute parte Miguel Angel Blanco zenaren omenaldian. Horrez gain, Hanburgoko protestetan atxilotutako David Rincon ekintzailearen askatasuna aldarrikatu dute Bilbon. 

Hauek eta beste asko uztailaren 11ko Gurean Gaur albistegian. 

 

bideoaren irudia
Elorrioko Musikaire Jaialdiaz gozatzeko aukera, uztailaren 30era arte

2017-07-11

Musika estilo anitzek, eszenatoki ederrek eta aire libreak egingo dute bat ziklo honetan. Durangaldeko herri honek eskaintza kultural handia izango du. Rock, blues, jazz, ska, flamenkoa, mikroantzerkiak eta dantza garaikideak izango dira protagonistak.

bideoaren irudia
Lau pertsona zauritu dira Larrabetzuko gurutze frankista eraisten ari zirela

2017-07-11

Gaztelumendi tontorrean zegoen gurutze frankista eraitsi du Larrabetzuko Udalak uztailaren 10ean. Harrizko dorrea espero ez zen aldera jausi eta lau zauritu eragin ditu; bi gizon eta 60 urte inguruko bi emakume. Udalak aditzera eman duenez, “beharrezko segurtasun neurriak” bete ditu, eta gertatutakoa aztertuko dute teknikari eta arduradunek.

Erregimen frankistak eraiki zuen gurutzea 1938an, bere hildakoen omenez. Dorrearen egoera nahiko arriskutsua zela adierazi du Larrabetzuko Udalak, urteetan jendeak harriak kendu baititu bertatik. Apirilaren 26an erabaki zuen eraistea, azaldu duenez, bere tokian nazionalen aurka borrokatu zuten gudarien omenezko plaka bat jarriko dute.

bideoaren irudia
Udako Kalera Martxa egingo dute uztailaren 20tik 27ra bitartean, preso, deportatu eta iheslarien alde

2017-07-11

‘Kalera Kalera’ dinamikak antolatu du martxa, bi helbururekin; “Euskal errepresaliatu guztiak Euskal Herriko kaleetara ekartzea eta jai giroaz gozatzea”. Gernikan (Bizkaia) emango diote hasiera, uztailaren 20an, eta Lakuntzan (Nafarroa) amaituko da, uztailaren 27an.

Antolatzaileen iritziz, presoen kaleratzeak “lehentasuna” du, eta azaldu dutenez, prest daude kaleratze horrek nolakoa izan behar duen adosteko. Hala ere, mobilizazioa ere “beharrezkoa” dela esan dute. Horren baitan kokatu dute Udako Kalera Martxa.

bideoaren irudia
Gurean Gaur albistegia: Uztailak 10

2017-07-11

Gatazkaren konponbidearen aldeko Ipar Euskal Herriko ordezkaritza Parisen da, Frantziari eskatzeko euskal presoen gaian berehalako neurriak har ditzala. 

Horrez gain, uztailaren 20an hasita, astebeteko martxa egingo dute hainbat lagunek euskal preso, iheslari eta deportatuen alde, Kalera Kalera dinamikak antolatuta. 

Nazioartera begira, G20koek Klimaren Parisko Akordioa berretsi dute Trump bazterrean utzita. Bestelako argazkia ere utzi du Hanburgok, ehundaka pertsona atxilotu baitituzte, protestetan parte hartzeagatik. 

Hauek eta beste asko uztailaren 10eko Gurean Gaur albistegian.