Skip to main content
bannerra
Nahieran Ikusteko.tv

Gurean Gaur

Lurdes Imaz: "Prest gaude LOMCE legea ez aplikatzeko baina Jaurlaritzaren babesa behar dugu"

2013-10-09

Gurean Gaur saioaren elkarrizketa atalean, Lurdes Imaz Euskal Herriko Ikasleen Gurasoen Elkarteko ordezkariarekin hitz egin dugu LOMCE legearen inguruan. LOMCE edo Wert legea ikastetxeetan ez aplikatzeko prest daudela baieztatu zuen, hori bai, horretarako eragile guztien babesa beharko zuten baita Eusko Jaurlaritzarena ere.

Gurean Gaur albistegia: Uztailak 20

2017-07-20

Kataluniako Gobernuak ez dio utzi Guardia Zibilari Generalitatean sartzen. Jordi Turull kontseilariak esan die ezin zirela sartu, baina behar duten informazioa helaraziko ziela ere esan die. 

Euskal Herriari dagokionez, Pedro Sanchezekin bildu dira Iñigo Urkullu eta Andoni Ortuzar, bi alderdiek Araban, Bizkaian eta Gipuzkoan duten gobernu akordioari buruz hitz egiteko.

Hauek eta beste asko uztailaren 20ko Gurean Gaur albistegian.

 

 

Gurean Gaur albistegia: Uztailak 19

2017-07-19

Eten egin dute Berta Caceresek borrokatu zuen urtegiaren proiektua Hondurasen. Iazko martxoan erail zuten Caceres ekintzaile ekologista, eta haren gertukoek justizia egin dadila eskatzen jarraitzen dute oraindik. 

Euskal Herriari dagokionez, Gipuzkoako Foru Aldundiak zerga iruzurraren aurkako alianza jarri du martxan, lurraldeko hainbat eragilerekin batera. Hitzarmena sinatu duten erakunde eta elkarteek zerga alorreko hainbat praktika on betetzea hitzeman dute, iruzurraren aurkako kontzientzia bultzatzeko asmoz.

Hauek eta beste asko uztailaren 19ko Gurean Gaur albistegian.

Gurean gaur albistegia: Uztailak 18

2017-07-19

Kalitate gorena eta esklusibotasuna nahi duten turistak erakartzea izango du helburu Donostiako Udalak. 2017 eta 21 arteko Turismo Plana aurkeztu du, eta tasa turistiko bat ezartzea proposatu.

Heldu dira Mugak zabalduz karabanako ekintzaileak Melillara. Bertan, atzerritarrentzako zentro itxietako egoera eta emakume migratzaileen aurkako indarkeria salatu dituzte. 

Hauek eta beste asko uztailaren 18ko Gurean Gaur albistegian.

Gurean Gaur albistegia: Uztailak 17

2017-07-18

 

ELA eta LAB sindikatuek berretsi dute Elkarrizketa Sozialerako Mahaiari uko egingo diotela, eta iragarri dute ez direla Jaurlaritzako Enplegu Sailak biharko deitutako batzarrean egongo. 

“Cabacas auziko” akusazio partikularraren helegiteak onartu ditu Bizkaiko Probintzia Auzitegiak. Iragan astean hiru ertzain auzipetu ostean, auzitegiak jakinarazi berri du guztira sei izango direla auzipetutako agenteak.

Hauek eta beste asko uztailaren 17ko Gurean Gaur albistegian.

Gurean Gaur albistegia: Uztailak 13 eguerdiko saioa

2017-07-13

Gaurko titularrekin hasteko, Altsasuko gatazka ez dela terrorismoa esan du Baltasar Garzonek.  

Horrez gain, bihar askatuko dute Pipe San Epifanio ETAko presoa, Espainiako Estatuko kartzeletan 23 urte igaro ostean. Indautxuko auzotarrak autobusez joango dira Herrerako kartzelara presoari harrera egitera. 

Hauek eta askoz gehiago uztailaren 13ko Gurean Gaur albistegian. 

 
bannerra

bannerra