Abian da Bermeoko XIX. Arrain Azoka

Bermeoko XIX. Arrain Azoka gaur inauguratu da eta igandera arte kontserba produktuen eta arrantza munduaren erakusleiho aparta izango de Bizkaiko herri arrantzale hau. Horrela, 20 erakustokitan, herritarrek eta bisitariek kontserba-enpresek ekoizten dituzten hainbat  eta hainbat produktu dastatu eta eskuratu ahal izango dituzte. Itsasoko kultura ezagutzeko aukera ere eskeintzen du azoka honek.  “Sasoian sasoiko produktuak” da aurtengo azokaren gaia.

Metalgintzako greba arrakastatsua izan da sindikatuen arabera

Gipuzkoako metalgintzaren grebak jarraipen handia izan du. Sindikatuen arabera enpresen ehuneko laurogeita bostak itxi du. Patronalari negoziazioa ez gehiago blokeatzeko eta probintziako hitzarmena bultzatzeko eskatu diote. Hala ez bada, uztailaren 7an metaleko langileen hitzarmenak bertan behera geldituko dira.